आइज करु राजा सत्येर पालन Panchpargania Songs Lyrics

आइज करु राजा सत्येर पालन

आइज करु राजा सत्येर पालन
केंकही बोलेन सामी, तोमार काछे आइलाम आमी,
कि बोइले बोइले छो तखन, आइज करू हे राजा सत्येर पालन ।।1।।
भरत के दिहो सिंहासन, बनवास श्री राम सनातन,
चउदो बछरो पूरन, आइज करू हे राजा सत्येर पालन ।।2।।
जदि सत्य ना मानिबे, सूरजो बसे काली होबे,
मानो कि ना मानो हे राजन, आइज करू हे राजा सत्येर पालन ।।3।।
एतो सुनी दसरतो, बहुत भाभितो चितो,
नरोत्तमार एइ निवेदन, आइज करू हे राजा सत्येर पालन ॥4॥
नरोत्तम सिंह